السلام عليكم ورحمة الله وبركاته وبعد:
اليكم القصيده وانا واثق ان الكل يحبها اتمنى ترضي الله ثم تنال على اعجابكم.
الحب ذكرى للقلوب الرهيفه
وحبي تعدى الوصف مافيه مقياس
قلبي يذكرني وعيني ذريفه
ولحبها يجمع عليه اكثر الناس
متواضعه هيبه ولا هي خفيفه
فيها مزايا جاوزت جوهر الماس
محبوبتي سودا ولا هي مخيفه
الي نظرها مايجيه اي ما باس
وفي خدها شامه وصنعه لطيفه
زود الحلا فيها براس(ن)ليا ساس
ياما ركضت لوصلها احب طيفه
وياما لقيت بها مشاعر واحساس
لا جيتها لفيت سبع(ن)لفيفه
وارضيت ربي بوصلها حافظ الراس
وصليت جانبها صلاة(ن) خفيفه
ورفعت حاجاتي لربي بلا ياس
والله انا اشهد ياعرب هي شريفه
والي يعرف حقوقها صدق ما خاس
القلب يهفو والمشاعر نظيفه
وحبي تعدى الوصف مافيه مقياس
وسلامتكم
